2025-mi aalisarneq

Saqqummersitami uani 2025-mi aalisarnermut paasissutissat ersarissarneqarnissaat anguniarneqarpoq. Saqqummersitami paasissutissat atorneqartut tamarmik Kisitsisaataasivimmi tabelini pissarsiarineqarsinnaapput.

 

Paasissutissat sisamanut ima immikkoortitigaapput:

 

Immikkoortoq 1: Kalaallit pisaat aamma allamiut Kalaallit Nunaata imartaani pisaat

Immikkoortoq 2: Piffissap ingerlanerani kalaallit pisaat aalisarfiit sumiiffiinut immikkoortiterlugit

Immikkoortoq 3: Tunisat

Immikkoortoq 4: Kalaallit Nunaanni aalisariutit atorneqartut

 

 

Kalaallit pisaat aamma allamiut Kalaallit Nunaata imartaani pisaat

 

Kalaallit pisaat

 

Tabel 1. 2025-mi aalisakkat kalaallit pisaat suussusaanut aamma sumi pisaanerinut immikkoortillugit

.	Kalaallit Nunaata kitaa (NAFO 1A-1F)	Kalaallit       Nunaata tunua (ICES XIV)	NAFO – Canadap imartaa	ICES - Savalimmiut	ICES - Island	ICES – Norgep avannaa (Barentshavet + Svalbard  ilanngullugit )	ICES – Nunani tamalaani      (allat )	Katillugit
Saarullik atamasoq	0	2	0	0	2	0	0	4
Qeeraq .........	214	161	0	0	1	27	0	403
Ammassak ......	4	0	0	0	2.960	0	0	2.964
Saarullik ........	34.956	26.096	13	0	2	3.702	9	64.778
Ising ...........	0	0	0	0	0	1	0	1
Tinguttooq ......	5	92	0	0	0	0	0	97
Qalerallik .......	35.660	1.565	0	0	44	8	0	37.277
Misaqqarnaq ....	6	28	0	0	0	658	0	692
Nataarnaq .......	42	34	0	0	0	0	0	76
Ammassassuaq ..	0	0	0	2	0	1.412	0	1.414
Nipisak .........	4.406	0	0	0	0	0	0	4.406
Avaleraasartooq ..	0	0	0	1	0	35.642	0	35.643
Eqalugaq ........	7	0	0	0	0	0	0	7
Suluppaagaq ....	136	2.704	0	0	0	221	0	3.061
Tupissut ........	25	22	0	0	1	0	0	48
Kapisilik .........	25	1	0	0	0	0	0	26
Saarullernaq .....	0	0	0	10.730	0	16.464	2.580	29.774
Aalisakkat allat ...	466	96	0	0	1	249	0	812
Pisarisuukkat ....	1	0	0	0	0	0	0	1
Kinguppaat allat ..	32	0	0	0	0	0	0	32
Saattuaq .......	1.806	0	3	0	0	0	0	1.809
Uiluik ..........	720	0	1	0	0	0	0	721
Kinguppak ......	93.706	2.010	44	0	3	0	0	95.763
Eqalussuaq .....	160	21	0	0	0	0	0	181
Eqalussuup nulia .	78	8	0	0	0	2	0	88
Katillugit .......	172.455	32.840	61	10.733	3.014	58.386	2.589	280.078

Najoqqutaq: Naatsorsueqqissaartarfik – kisitsisaataasivimmi kisitsisit takukkit https://bank.stat.gl/FINFISH

 

2025-mi aalisakkat pisarineqarsimasut katillugit 280.000 tonsit missaaniissimapput. Kalaallit Nunaata kitaani pisarineqarsimasut amerlanerpaajupput, pisarineqarsimasut 60 pct.-iisa kitaani pisarineqarsimallutik.

 

Pisarineqarsimasut akornanni kinguppaat 96.000 tonsingajaallutik pisarineqarsimasuni annertunerpaajupput. Saarulliit qalerallillu pisarineqarnerpaat tullerisimavaat, sinerissallu qanittuani avataasiorlunilu pisarineqartartuni saarulliit qalerallillu annertunerpaanut ilaalluinnarput.

 

Tunumi pisarineqartartut annikinnerupput, tunumi pisarineqartarput saarulliit, qalerallit aamma qeeqqat.

 

Kalaallit Nunaata avataani Savalimmiut aamma Norgep imartaani pisarineqarsimasut amerlanerpaat tassaapput aalisakkat ikerinnarsortut, tassaasut avaleraasartuut aamma saarullernat.

 

Aalisarneq tamaat isigalugu qaleruallit pisat, tassaasut kinguppaat, saattuat aamma uiluiit suli annertupput.

 

Aalisakkat ilaat pisarisuugaasarput imaluunniit annikitsuinnarmik aalisarneqartarlutik, tamanna pinngortitamut aamma aalisariaatsimut tunngaveqarpoq.

 

 

Tabel 2. 2025-mi Kalaallit Nunaanni pisat tonsinngorlugit nunanit allamiunit

Aalisakkat suussusaat ...	Kalaallit Nunaata kitaa	Tunu	Katillugit
Saarullik atamasoq......	0	1	1
Qeeraq...............	2	151	153
Ammassak............	0	1	1
Saarullik..............	0	5.631	5.631
Tinguttooq.............	0	358	358
Qaleralik..............	2.218	4.580	6.798
Misaqqarnaq...........	0	12	12
Nataarnaq.............	0	26	26
Suluppaagaq...........	9	2.642	2.651
Imminnguaq...........	17	156	173
Aalisakkat allat.........	30	36	66
Kinguppak.............	2.005	2.976	4.981
Eqalussuaq............	3	16	19
Eqalussuup nulia........	0	5	5
Katillugit..............	4.284	16.591	20.875

Najoqqutaq: Naatsorsueqqissaartarfik – kisitsisaataasivimmi kisitsisit takukkit https://bank.stat.gl/FINFISH

 

2025-mi aalisakkat Kalaallit Nunaanni nunanit allamiunit pisat 21.000 tonsiusimapput. Taakkunani tunumi pisat amerlanerpaajupput, nunanit allamiut pisanit 75 pct.-it missaat tunumi pisarineqarsimallutik.

 

Nunanit allamiunit pisarineqartarsimapput qalerallit, saarulliit aamma suluppaakkat. Nunani tamalaani aalisarusutat tunumi pisarineqarsinnaasut pisarineqartarlutik.

 

Nunanit allanit pisarineqartartut ilagaat kinguppaat, tamanna akinnattumik annertussuseqarluni tunumi kitaanilu pisarpoq.

 

Kalaallit Nunaata kitaani nunanit allaneersunit annikikkaluamik qalerallit aamma kinguppaat pisarineqartarput.

 

Aalisakkat allat annikinnerusumik nunanit allaneersunit pisarineqarsimapput, tamatuma ersersippaa aaliangersimalluinnartut aamma pisassaritinneqartut nunanit allanit aalisarneqartartut.

 

Tabelimi takuneqarsinnaavoq Kalaallit Nunaata imartaani nunani allamiunit pisat kalaallinit pisarineqartartunit annikinnerujussuusoq, aalisakkallu aaliangersimasut pingaartinneqarlutik nunanit allaneersunit pisarineqartarsimasut.

 

 

Ukiut ingerlanerini kalaallit aalisariutini assigiinngitsuni pisarisimasaat

 

Tabelimi 3-mi takuneqarsinnaapput umiatsiaaqqanit, aalisariutinit aamma kilisaatinit pisarineqarsimasut. Tabelimi takuneqarsinnaavoq aalisariutit sorliit aalisakkanik sunik pisaqartarsimanersut. Assersuutigalugu kilisaatit taamaallaat avaleraasartuunik aamma saarullernanik pisaqartarsimapput.

 

Tabel 3. 2025-mi kalaallit pisaasa suussusaat tonsinngorlugit

Aalisakkat suussusaat	2021	2022	2023	2024	2025
Eqalussuaq..................	0	0	0	1	6
Eqalussuup nulia.............	0	0	0	31	95
Saarullik.....................	42.245	43.694	54.088	58.665	64.631
Qaleralik.....................	45.393	45.362	45.202	40.598	37.361
Kinguppak...................	107.917	111.170	110.078	95.125	90.272
Nipisak......................	4.548	4.896	5.640	6.036	1.093
Qeeraq......................	244	161	119	129	128
Saattuaq.....................	3.076	2.893	2.871	2.276	1.697
Uuvaq.......................	56	27	15	7	7
Eqaluk.......................	10	2	8	15	6
Suluppaagaq.................	1.915	1.026	2.648	2.294	2.722
Nataarnaq....................	11	12	19	25	65
Uiluik........................	569	566	628	825	721
Kapisilik.....................	41	25	34	21	28
Ammassak...................	14.282	44.106	46.711	567	3.468
Saarullernaq..................	19.340	22.878	25.987	28.643	28.983
Tinguttooq...................	63	82	106	175	91
Misaqqarnaq..................	1.101	755	665	510	658
Avaleraasartooq...............	33.360	17.623	29.089	15.234	33.960
Saarulliusaaq.................	449	444	410	562	248
Ammassassuaq...............	2.864	6.164	7.333	5.656	1.198
Tupissut.....................	0	9	16	19	0
Kinguppaat allat...............	0	41	628	347	0
Aalisakkat allat...............	1.762	2.375	2.138	1.381	1.475
Katillugit....................	279.246	304.311	334.433	259.142	268.913

Najoqqutaq: Naatsorsueqqissaartarfik – kisitsisaataasivimmi kisitsisit takukkit https://bank.stat.gl/Fin010

 

2023-mi pisat amerlanerpaajusimapput 334.000 tonsiusimallutik, 2024-milu appariangaatiarsimariarlutik 2025-mi qaffaqqilaarlutik 269.000 tonsiusimallutik.

 

Piffissap ingerlanerani saarulliit pisarineqarsimasut annertusiartorput 2025-milu aalisarneqarnerpaajusimalluni, qalerallit saarulliillu pisat 2021-2022-miilli annikilliartorsimasut.

 

Aalisakkat ikerinnarmiut amerlassusaat aamma aalisarnissanut periarfissat apeqqutaallutik ammassaat aamma avaleraasartuut pisarineqartartut nikerartorujussuupput.

 

Qalerualinnik, saattuanik aamma uiluinnik aalisarneq piffissap ingerlanerani annikilliartuinnavissimavoq.

 

Aalisakkat allat, tassa eqalussuit, eqalussuit nuliaat nataarnallu ukiuni kingullerni pisarineqartarsimasut annertusisimapput, sulili pisat ataatsimut isigalugit annikillutik.

 

Ataatsimut isigalugu aalisarneq allanngorsimavoq, maanna saarulliit aamma aalisakkat ikerinnarmiut pisarineqartartut annertusisimapput, annerusumik pisarineqartarsimasut tassaasut kinguppaat qalerallillu annikilleriarsimasut.

 

 

Tabel 4. 2025-mi kalaallit pisaat aalisariutinut aalisarfinnullu immikkoortillugit

Aalisakkat suussusaat	Umiatsiaaqqat	Aalisariutit	Kilisaatit	Katillugit	Sinerissap qanittuani	Avataasiortut
Eqalussuaq................	6	0	0	6	6	0
Eqalussuup nulia...........	95	0	0	95	95	0
Saarullik..................	15.698	10.124	38.810	64.632	25.897	38.734
Qaleralik..................	16.175	5.392	15.794	37.361	21.566	15.794
Kinguppak................	0	0	90.272	90.272	33.793	56.479
Nipisak...................	994	99	0	1.093	1.093	0
Qeeraq....................	119	0	9	128	119	9
Saattuaq..................	0	1.400	297	1.697	1.425	273
Uuvaq....................	7	0	0	7	7	0
Eqaluk....................	6	0	0	6	6	0
Suluppaagaq..............	33	0	2.689	2.722	33	2.689
Nataarnaq.................	13	0	51	64	13	51
Uiluik.....................	0	0	721	721	0	721
Kapisilik..................	24	4	0	28	28	0
Ammassak................	438	0	3.030	3.468	438	3.030
Saarullernaq...............	0	0	28.983	28.983	0	28.983
Tinguttooq................	0	0	91	91	0	91
Misaqqarnaq...............	0	0	658	658	0	658
Avaleraasartooq............	0	0	33.960	33.960	7.997	25.963
Saarulliulsaaq.............	0	0	248	248	0	248
Ammassassuq.............	0	0	1.198	1.198	0	1.198
Aalisakkat allat.............	0	0	1.475	1.475	161	1.314
Katillugit..................	33.608	17.019	218.286	268.913	92.677	176.235

Najoqqutaq: Naatsorsueqqissaartarfik – kisitsisaataasivimmi kisitsisit takukkit https://bank.stat.gl/Fin010

 

2025-mi pisarineqarsimasut annertunerpaartaat kilisaatinit pisarineqarsimapput, kinguppaat aamma aalisakkat ikerinnarsortut kilisaatinit pisarineqarnerpaajusimapput.

 

Umiatsiaararsortut sinerissap qanittuani aalisartuni pisaqarnerpaajusimapput, saarulliit, qalerallit, nipisaat eqalussuillu nuliaat umiatsiaararsortunit pisarineqarnerpaajusimapput.

 

Aalisariutit saarullinnik saattuanillu pisaqarnerusarsimapput aalisarnerli tamaat isigalugu aalisariutit pisakinnerusimapput.

Aalisakkat ikerinnarmiut, avaleraasartuut aamma saarullernat kilisaatiniinnangajak pisarineqartarsimapput, sinerissalli qanittuani pisarineqarsimasut aalisariutinit mikinerusunit pisarineqartarsimapput.

 

Tabelimi takuneqarsinnaavoq aalisariutit apeqqutaallutik aalisakkanik aaliangersimasunik sumiiffinnilu aaliangersimasuni pisaqartarsimaneri.

 

 

Tunisat

 

Tabel 5. 2025-mi distriktini kinguppaat, qalerallit saarullillu tunisat annertussusaat akiilu

	Kinguppaat	Qalerallit	Saarulliit	Katillugit	Kinguppaat	Qalerallit	Saarulliit	Katillugit
Distriktit	Ton	Ton	Ton	Ton	KDKK	KDKK	KDKK	KDKK
Nanortalik..........	0	55	2.802	2.857	0	1.046	27.767	28.813
Qaqortoq..........	0	18	251	269	0	332	1.772	2.104
Narsaq............	0	138	131	269	0	2.676	1.169	3.845
Paamiut...........	0	662	169	831	0	8.263	1.704	9.967
Nuuk.............	6.856	706	7.686	15.248	92.422	19.386	86.402	198.210
Maniitsoq..........	0	421	4.014	4.435	0	4.832	49.852	54.684
Sisimiut...........	15.431	0	1.017	16.448	155.752	0	8.033	163.785
Kangaatsiaq........	0	41	693	734	0	935	5.085	6.020
Aasiaat............	10.993	1.411	717	13.121	135.102	30.135	5.978	171.215
Qasigiannguit.......	0	3.320	61	3.381	0	46.727	395	47.122
Ilulissat............	15.937	7.191	3.969	27.097	166.425	166.127	45.493	378.045
Qeqertarsuaq.......	0	215	123	338	0	5.013	883	5.896
Uummannaq.......	0	7.879	199	8.078	0	195.926	1.608	197.534
Upernavik..........	0	4.271	38	4.309	0	99.945	305	100.250
Qaanaaq..........	0	66	0	66	0	1.091	0	1.091
Tasiilaq...........	0	154	678	832	0	2.914	7.132	10.046
Umiarsuit tunisiviit...	0	0	7.351	7.351	0	0	61.947	61.947
Katillugit..........	49.217	26.548	29.899	105.664	549.701	585.348	305.525	1.440.574

Najoqqutaq: Naatsorsueqqissaartarfik – kisitsisaataasivimmi kisitsisit takukkit https://bank.stat.gl/Fin010

 

2025-mi tunisat pingaarnersaat tassaasut; kinguppaat, qalerallit saarulliillu katillugit 106.000 tonsiusimapput 1,44 mia. kr.-inik naleqarsimallutik, taakkunani qalerallit kinguppaallu nalitunerpaajusimapput.

 

Ilulissat tunisiffiunerpaajusimavoq, Nuuk, Sisimiut aamma Aasiaat tulliusimallutik.

 

Kalaallit Nunaata kitaa qiterpasissoq, tassa Sisimiut, Ilulissat aamma Aasiaat distriktianni kinguppannik tunisinerpaaffiusimavoq.

 

Avannaani distriktini tassa Uummannami Upernavimmilu qaleralinnik tunisineq annertunerpaajusimavoq aalisartunit isertitsilluarfiusimalluni.

 

Saarulliit sumi tamani pisarineqartarsimapput distriktinili kujasinnerusuni tassa Nuummi, Maniitsumi kujataanilu tunisaanerusimapput.

 

Saarulliit pisat annertuut umiarsuarnut tunitsivinnut tunineqartarsimapput, tamatuma takutippaa aalisarnerup sumiiffinni assigiinngitsuni siammasissumilu eqaatsumik ingerlanneqarsimanera.

 

 

2025-mi tunisast annertussusaat aamma nalingi aalisariutillu tunisisimasut

 

Tabel 6. 2025-mi aalisakkat tunisat tonsinut, KDKK-mut aamma aalisariutinut immikkoortillugit

	Umiatsiaaqqat	Aalisariutit	Kilisaatit	Katillugit	Umiatsiaaqqat	Aalisariutit	Kilisaatit	Katillugit
Aalisakkat suussusaat	Tonsit	Tonsit	Tonsit	Tonsit	KDKK	KDKK	KDKK	KDKK
Kinguppaat allat...	0	0	191	191	0	0	1.851	1.851
Tinguttooq........	0	0	0	0	0	0	0	0
Ising.............	0	0	0	0	0	0	0	0
Misaqqarnaq......	0	0	0	0	0	0	0	0
Kapisilik..........	0	0	0	0	0	0	0	0
Saarullik atamasoq	0	0	0	0	0	0	0	0
Eqalussuup nulia..	27	4	0	31	406	65	0	471
Saarulliusaaq.....	0	0	0	0	0	0	0	0
Ammassassuaq...	0	0	0	0	0	0	0	0
Eqqisaq...........	0	0	0	0	0	0	0	0
Uuvaq............	9	0	0	9	21	0	0	21
Kinguppak........	0	50	49.813	49.863	0	847	548.802	549.649
Qaleralik..........	16.060	5.497	4.988	26.545	381.832	133.107	70.362	585.301
Saarullik..........	15.140	10.713	4.045	29.898	145.666	113.597	44.629	303.892
Nipisak...........	3.958	447	0	4.405	29.305	3.312	0	32.617
Saattuaq..........	0	1.425	290	1.715	0	44.420	8.503	52.923
Qeeraq...........	92	28	0	120	383	118	0	501
Suluppaagaq......	27	14	0	41	166	81	0	247
Eqaluk............	6	0	0	6	77	0	0	77
Ammassak........	385	53	0	438	2.517	323	0	2.840
Polar torsk........	116	9	0	125	2.291	173	0	2.464
Nataarnaq.........	11	3	0	14	193	51	0	244
Tupissut..........	0	0	0	0	0	0	0	0
Alisakkat allat.....	0	0	0	0	0	0	0	0
Katillugit..........	35.831	18.243	59.327	113.401	562.857	296.094	674.147	1.533.098

Najoqqutaq: Naatsorsueqqissaartarfik – kisitsisaataasivimmi kisitsisit takukkit https://bank.stat.gl/Fin010

 

2025-mi tunisat tamakkerlugit 113.000 tonsit missaaniissimapput 1,53 mia. kr.-inik naleqarsimallutik. 2025-mi pisarineqartuni kinguppaat annertunerpaajusimapput nalitunerpaajusimallutillu.

 

Kilisaatit kinguppaat eqqarsaatiginerullugit tunisinerpaajusimapput, kinguppaat kilisaatinit tunisat aningaasaqarnerup affaa sinnerlugu naleqarsimapput.

 

Qalerallit saarulliillu aalisariutinit tamanit tunineqartarsimapput, umiatsiaararsortulli annerulaartumik qaleralinnik tunisisarsimapput, umiatsiaararsortut aamma aalisariutit saarullinnik tunisinerusarsimasut.

 

Nipisaat aamma saattuat sumiiffinni aaliangersimasuni pingaaruteqarsimapput, taakkuli tunisat tamakkiisumik isigalugit annertunngillat.

 

Kilisaatit tonsinngorlugit annertunerpaamik nalitunerpaamillu tunisisarsimapput, kinguppaat kilisaatinit annermik pisarineqartarsimanerat tamatumunnga pissuteqarpoq, tamanna aamma aningaasaqarnikkut takuneqarsinnaavoq.

 

Umiatsiaararsortut sinerissap qanittuani annermik qaleralinniartuullutillu saarullinniartuunerat pissutaalluni nalingat annertuvoq. Umiatsiaararsortut tunisaat annikinnerugaluarluni aalisarnermi nalituvoq.

 

Aalisariutit akunniliuttuupput ingammik saarullinniarneq, qaleralinniarneq aamma saattuarniarneq eqqarsaatigalugit. Pisat annertussusaat nalitussusaallu eqqarsaatigalugit kilisaatinit umiatsiaararsortuniillu appasinnerusumik inissisimapput.

 

Qalerallit saarulliillu aalisariutinit assigiipajaartumik tamanit pisarineqartarput, kinguppannut sanilliutissagaanni. Qalerallit saarulliillu aalisariutinit assigiinngiiaarnerusunit pisarineqartarput.

 

2025-mi tunisineq assigiinngitsunut marlunnut immikkoortinneqarsinnaavoq: annertuumik nalilimmik kilisaatit atorlugit kinguppanniarneq aamma sinerissap qanittuani umiatsiaararsorneq annertuumik tonsimut nalilik.  

 

 

Kalaallit Nunaanni aalisariutit atorneqartut

 

Tabel 7. Kalaallit Nunaanni aalisariutit atorneqartut amerlassuaat

		2021	2022	2023	2024	2025
Aalisariutit kilisaatillu		284	277	286	289	380
Qimussit		264	253	288	311	232
Qamuteralaat		586	680	685	671	540
Umiatsiaaqqat		2.082	2.003	2.335	2.358	2.480

Najoqqutaq: Naatsorsueqqissaartarfik – kisitsisaataasivimmi kisitsisit takukkit https://bank.stat.gl/FINFLEET

 

2021-miit 2024-mut aalisariutit kilisaatillu aalaakkaasimapput, 2025-mili 380- inngorlutik allannguingaatsiarlutik amerlatsingaatsiarsimallutik.  

 

2022-mi qimussit ikilisimapput 2024-llu tungaanut amerlisimallutik 2025-milu ikileriangaatsiaqqissimallutik.

 

Qamuteralaat 2021-mit 2023-mut amerlingaatsiarsimapput, ukiulli tulliuttut marluk ikilisimallutik, 2025-mi qamuteralaat 2023-mut sanilliullugit ikinnerupput.

 

Umiatsiaaqqat 2022-miit amerliartorsimapput 2025-milu amerlanerpaajusimallutik.

 

Tabel 8. Umiatsiaaqqat distriktini atorneqartut amerlassusaat

Umiatsiaaqqat	2021	2022	2023	2024	2025
Nanortalik...........	59	51	71	51	62
Qaqortoq............	70	61	81	65	71
Narsaq.............	40	33	41	31	30
Paamiut............	67	56	63	61	58
Nuuk..............	211	224	293	284	391
Maniitsoq...........	210	203	224	227	236
Sisimiut.............	131	99	151	188	174
Kangatsiaq..........	121	118	117	130	112
Aasiaat.............	90	94	111	122	133
Qasigiannguit........	57	50	65	70	54
Ilulissat.............	247	247	293	309	342
Qeqertarsuaq........	70	69	69	72	75
Uummannaq.........	295	283	329	333	328
Upernavik...........	347	350	323	323	298
Qaanaaq............	1	0	1	4	0
Tasiilaq.............	65	65	102	88	116
Ittoqqormiit..........	1	0	1	0	0
Katillugit...........	2.082	2.003	2.335	2.358	2.480

Najoqqutaq: Naatsorsueqqissaartarfik – kisitsisaataasivimmi kisitsisit takukkit https://bank.stat.gl/FINFLEET

 

Umiatsiaaqqat 2022-mi ikilisimapput tamatumali kingorna amerliartupiloorsimallutik. 2025-mi umiatsiaaqqat 2.480-iullutik amerlanerpaajusimapput. 2022-mili umiatsiaaqqat amerliartuinnavissimapput.

 

Kitaani distriktini anginerusuni umiatsiaaqqat amerlatsikkiartornerupput: Nuummi umiatsiaaqqat amerlisimaqaat Ilulissani Uummannamilu aamma amerliartorusaarput.

 

2021-2022-mi Upernavimmi umiatsiaaqqat amerlaneroriarlutik 2025-p tungaanut ikiliartulersimapput. 

 

Kujataani (Nanortalik, Qaqortoq, Narsaq Paamiunilu) umiatsiaaqqat amerlassusaat nikerarpoq, aaliangersimasumillu amerliartortoqarani, distriktilli ilaanni umiatsiaaqqat ikililaarsimapput.

 

Tunumi umiatsiaaqqat amerlavallaanngillat, Tasiilamili umiatsiaaqqat amerliartornerat ersarippoq.